Kenneth Vladimir (The Beast)Vocalist

 Jojo AgustinesLead Guitarist

 Myk LavinaBassist

EnenRiff Guitarist

AdrianDrummer

Ang Gates of Gomorrah ay isang Filipino Metal band na nakabase sa Dubai.Winning the 3rd place in the Alghurain Battle of the Bands 2014 is their latest achievement.

Nabuo ang banda sa hindi ma-explain na dahilan. Kumbaga parang inaadya lang talaga ng pagkakataon dahil hindi naman sila magkakakilala at saka matagal nang lahat huminto silang lahat sa pagtugtog. Katulad ni Myk, na 10 years na ring hindi tumutugtog ng bass sa kahit anong banda, si Vlad ay ganun din. Matagal nang wala kaming banda. Dalawang taon pa bago nabuo ang banda.

Ayon sa pagsasalaysay ng Lead guitarist ng banda na si Jojo,, bumalik sa kanyang alaala ang nakaraan kung paano nabuo ang Gates of Gomorrah.

"Bumalik lang ang passion namin sa music nung 2012 nang mag-meet kami ng kaibigan at bandmate kong bokalista nung high school. Nasa Pinas pa ako noon. Then, nagpunta ako sa Dubai noong 2012. Kararating lang ni Enen.  Nauna lng ako ng ilang buwan. Ang style ng genre namin, nag-umpisa nang makita ko ang Dark Crayola band at Il Nomine Patris. Na-amaze ako sa kanila sobra at saka hinahangaan ko talaga ang mga Pinoy metal bands nating malulupit, kaya pinili ko ang 8-string guitar mula nang mabili ko 'yun. Hindi pa kami magkakilala ni Enen. Sa isang website ng bilihan kami nagkakilala. In-add niya ako sa FB at dun na nagsimula ang conversation namin. Nagkaroon siya ng interest na bumuo kami ng banda. Sa naisip kong style at genre, using 8-string guitar, pero 'di pa rin kami dun nabuo. Lumipas pa ang 2 years. Nakabili na siya ng 8-string guitar niya. Wala pa rin kaming nahahanap na naaayon sa tugtugang gusto namin kasi medyo kumplikado, saka mahirap talagang humanap ng ka-bandmate dito sa Dubai, na may talent, kagaya ni Vlad.

"Dumating sa punto na parang nawawalan na kaming dalawa ng pag-asa, kasi nga mahirap maghanap ng bokalistang may sanib dito sa abroad, unlike sa Pinas. Then, one time nagkaroon ng isang metal concert underground sa music room dito sa Dubai. Concert ng benovolent. Nag-try manood si Enen. Nagbabakasakali na makakita ng bokalista, kaso puro ibang lahi ang malimit na nagpupunta doon that time. Nung nandon na sa concert,  nakita ni Bro. Ken,  na may isang Pinoy. Naligaw. Si Enen nga. Kasi si Ken lang ang laging pumupunta sa mga underground. Nagtaka si Bro. Ken. Doon nagsimula. Binati nito si Enen at kinamayan dahil may Pinoy sa metal scene."

"Hanggang naikuwento nga ni Ken na matagal na rin siyang naghahanap ng kabanda, pero walang kumukuha sa kanya dahil sabi sa kanya ng iba, pangit siyang kumanta at wala sa tono. Isa pa, maraming natatakot makasama siya dahil sa kakaiba niyang ugali at kilos. May kakaibang paniniwala at prinsipyo sa buhay si Ken."

"Ako naman nakinig lang sa kuwento ni Enen, pero sa utak ko, iba ang lumalaro, dahil matagal na rin ako sa metal scene. Since high school pa," dagdag pa ni Jojo. "Pero, instead na matakot , ang sinabi ko kay Enen na 'wag siyang matakot. So 'yun na nga, nahikayat ko si Enen na subukan muna namin si Bro. Ken at akong bahala. Sakto naman, that time, nagkaron ng isang malaking event dito- ang Al Ghurair Band Jam noong 2014. Battle of the Band siya, na open sa lahat, profesional or amateur. Then, simula nung nagkakilala kami, may 1month lng kaming time para makabuo ng band, kasama ang praktis. E, parang imposible, 'di ba? Sakto naman, after 1 week, nagpunta naman si Ken sa isang bar sa Chealsea Hotel. Doon nakita ni Ken si Myk sa men's room. Nag-usap sila at inalok kung gusto magbanda."

Pumayag si Myk. Then, four times lang silang nakapagpraktis. Ang purpose naman kasi nila noon ay hindi para makipag-battle. Gusto lang talaga nilang makatugtog at ma-expose kasi sa lagay nila, hindi naman nila expected na makakakuha ng place doon. Masyadong bata pa talaga ang band nila.

"Pero, nang umakyat kami sa stage, sinabi namin sa sarili namin na ibibigay namin ang lahat ng lakas namin sa isang performance. Yun! Expected. Nagustuhan kami ng crowd. Talagang nabuhay ang mga nanonood noon, pati ang mga judges. Siguro, mapalad lang kami. Grabe ang experience namin noon. Kahit sobrang init sa gitna ng disiyerto, naglalakad kami para lang makarating sa studio at makapagpraktis. Three nights kaming sumalang sa stage noon. So, talagang nagkaroon ng pagkakataon na ma-expose kami, na ang iniisip lang namin ay passion lang sa music, hanggang umabot kami sa championship. Iba't ibang banda at lahi ang mga kasali. Mahuhusay lahat. Sabi namin, o hindi na kami mananalo. As in, mahuhusay ang mga banda at saka metal band kami. Maingay at 'di naman talaga mananalo ang mga type ng band namin sa ganung klaseng event, na mga Briton ang gumawa. So, nagyakapan kami, bago umakyat at sinabi namin na go lang kami. Ibibigay na namin ang lahat ng natitirang lakas namin, kasi 3 nights na kaming tumutugtog. May work pa kinabukasan. Nang umakyat kami ng stage, nagsisigawan ang mga ibang lahi sa amin, lalo na ang event coordinator na Briton."

"Go get it!"

"Go get it! Burn the stage!" Iyan ang sinisigaw nila.

Doon na  nag-start na makilala ang Gates of Gamorrah. Hinango ang pangalan ng banda sa isang libro.

Sa ngayon kapag naiimbitahan sa mga event ang banda. Doon sila tumutugtog at kapag wala naman, mga normal na nilalang lamang sila, na nagtatrabaho sa opisina.

Ang Gates of Gamorrah ay kasama na rin sa Wall of Fame sa Zephyr Rock Bar sa Dubai.